Яңы уҡыу йылында студенттарҙың академик стипендияһының минималь күләме 1633 һум тәшкил итәсәк.

1 сентябрҙән федераль ҡаҙна аҡсаһы иҫәбенә көндөҙгө бүлектә бакалавриат, специалитет һәм магистратура программалары буйынса белем алған студенттарҙың стипендияһы кәмендә 4 процентҡа арта. Был күҙалланған инфляция кимәленән 2,8 процентҡа юғарыраҡ. Хәҙер академик стипендияның иң бәләкәй күләме 1633 һум буласаҡ.

Башҡортостанда яңы уҡыу йылы башынан республика Башлығы стипендиялары күләмен дә арттырмаҡсылар. Мәғариф буйынса республика август кәңәшмәһенең пленар ултырышында Рөстәм Хәмитов ошо турала белдерҙе. Колледжда уҡығандар өсөн төбәк Башлығы стипендиялары – 2300, вуз студенттарына – 5750, аспиранттарға иһә 7 мең һумға тиклем артасаҡ.