Лилу ҡушаматлы көнгөрә Австралия йәнлектәр һаҡлау йәмғиәтенең иң ҙур бүләген аласаҡ. Ни өсөн?Йәшенле ямғыр ваҡытында 52 йәшлек фермер Лен Ричардстың өҫтөнә ҙур ағастың осо һынып төшә, һәм ул аңын юғалта.
Быны күргән көнгөрә ярҙам итергә ашыға, әммә Ленды ағас аҫтынан һөйрәп сығара алмағас, фермерҙың ҡатыны ҡырына бара, төрлөсә иғтибарын йәлеп итергә тырыша. Хайуанҡайҙың ниҙер әйтергә теләгәнен аңлаған ҡатын уның артынан эйәрә. Ваҡытында күрһәтелгән ярҙам арҡаһында ғына Ричардс иҫән ҡала. Шуныһы ҡыҙыҡ: был хәлгә тиклем дүрт йыл элек Лилуның әсәһен машина бәреп киткәс, “сумка”һындағы көнгөрә балаһын Лен үлемдән ҡотҡарған була.