“Автостат” аналитик агентлығы Рәсәйҙә иң таралған сит ил машиналарының рейтингын билдәләне.

Баҡтиһәң, был исемлектең тәүге урынында – “Ford Focus”. Йыл башына илдә 715 мең дана ошо машина теркәлгән. Икенсе баҫҡысты 699 мең күрһәткесе менән “Toyota Corolla” биләгән. Өсөнсөлә – “Hyundai Solaris” (674 мең). Иң популяр тиҫтә автомобиль иҫәбенә “Kia Rio”, “Renault Logan”, “Chevrolet Niva”, “Daewoo Nexia”, “Volkswagen Polo”, “Toyota Camry” һәм “Volkswagen Passat” ингән.
Рәсәйҙә бөтәһе 26 миллион сит ил машинаһы иҫәпләнә, был – ил паркындағы автомобилдәрҙең 61 проценты тирәһе.