Күптән түгел Өфөгә Мәскәү халыҡ-ара мөнәсәбәттәр дәүләт институты лингвистика һәм мәҙәниәт-ара коммуникациялар факультетының инглиз теле кафедраһы профессоры Елена Поканинова килде, ҡунаҡ республикабыҙҙың мәғариф министры Гөлназ Шафиҡова менән осрашты.


Һөйләшеү барышында бихисап уй-ниәттәр билдәләнде. Мәҫәлән, “Ирек­мәндәр шәмбеһе” проектына ярашлы баш ҡалабыҙҙағы юғары уҡыу йор­тоноң ғалимдары мәктәп уҡыусылары, студенттар һәм педагогтар менән дәрестәр үткәрәсәк.
Елена Поканинова шулай уҡ М. Аҡ­мулла исемендәге Башҡорт дәүләт педагогия университетына ла сәфәр ҡылды. Һәр кемгә Мәскәү ғалимының лекцияһын тыңлау ҡыҙыҡлы булған, аҙаҡтан ул яҡташтарыбыҙҙың һорау­ҙарына яуап биргән.
Индира Хәйбуллинаның һүҙҙәренә ҡарағанда, әгәр ҙә быға тиклем ҡыйынһынған булһа, профессор менән осрашҡандан һуң, уның фән юлынан китергә тигән теләге икеләтә нығынған.