Башҡортостан мосолмандарының Диниә назараты изге Рамаҙан айында ифтар үткәреләсәк Өфө мәсеттәре исемлеген төҙөнө. Улар:

Ихлас мәсете (Сочи урамы, 43);
Ғофран мәсете (Алтай урамы, 19);
Рамаҙан мәсете (Бабушкин урамы, 17г);
Өфө ҡалаһындағы беренсе йәмиғ мәсете (Туҡай урамы, 52);
Хәкимиә мәсете (Мостай Кәрим урамы, 3);
Мосолмандарҙың Үҙәк Диниә назаратының Рәсәй Ислам университеты (Чернышевский урамы, 5);
Хәмзә хажи мәсете (Юрий Гагарин урамы, 16г);
Мәҙинә мәсете (Фронт бригадалары урамы, 10).
Төрлө милләт һәм дин вәкилдәре, теләге булһа, ифтарға килә ала. Ураҙа тотҡан кешене туйындырыу ислам динендә изге ғәмәлдәрҙең береһе тип иҫәпләнә. Мәсеттә ифтар үткәреүҙе хәйриәселәр, иман йортона килеүселәр тәьмин итә.
Ураҙа 16 майҙа башланды һәм, теүәл 30 көн дауам итеп, 15 июндә тамамлана. Ураҙа – исламдағы биш нигеҙҙең береһе.