Альтернатив хеҙмәттең төрлө төрҙәре бар. Мәҫәлән, массаж яһаусы, почтальон, акушер...

Был төр хеҙмәтте һайлаусылар ҙа ғариза бирә башланы. Талап ителгән профессиялар араһында ҡолаҡҡа ятыраҡ ишетелгәндәре лә бар. Әгәр һин 27 йәшкә тиклем махсус йәки юғары белем алып өлгөргәнһең икән, альтернатив хеҙмәтте балет артисы йәки акушер булараҡ та үтәй алаһың. Егеттәр бурысын үтәргә тейеш ойошмалар һәм эш, һөнәр төрҙәре билдәле. Исемлектә 4976 вакансия бар.
Камчаткаға 70 болан ҡараусы кәрәк. Коммуналь предприя­тие­лар­ға — тиҫтәләгән слесарҙар, балта оҫталары, урман хужалы­ғына 69 эшсе талап ителә. Рәсәй­ҙең почта бүлексәләре сортҡа айырыусы хеҙмәткәргә мохтажлыҡ кисерә (58). Коми һәм Мари Иле республикаларындағы дәүләт опера һәм балет театры ике балет артисын көтә.
Хеҙмәткә саҡырылыусыларҙы акушер хеҙмәтенә алырға ла ризалар. Карелияның Республика перинаталь үҙәге һәм Баҡсаһарай район дауаханаһына тап ошо һөнәр эйәләре кәрәк.