Рәсәйҙең Мәғариф һәм фән министрлығы беренсе класҡа ҡабул итеүҙең яңы ҡағиҙәләрен ҡабул итте.
Ул ике этапта үтәсәк, белем биреү учреждениеһына яҡын йәшәгән балаларға уға эләгеү өҫтөнлөгө биреләсәк.
Быға тиклем ата-әсәләр 1 апрелдән ғариза яҙа алһа, хәҙер мәктәп микрорайонында йәшәүселәр 1 марттан 31 июлгә тиклем был мәсьәләне хәл итеү мөмкинлегенә эйә, башҡа теләүселәрҙеке 1 августан 5 сентябргә тиклем ҡабул ителә.
Беренсе класҡа килеүселәр өсөн имтихан булманы һәм булмаясаҡ, әммә ҡайһы бер фәндәрҙе төплө өйрәткән, махсус йүнәлешле мәктәптәр балаларҙы һайлап алыу хоҡуғына эйә.