“Башҡортостан” гәзитенең махсус хәбәрсеһе Гүзәлиә Балтабаеванан йәнә бер мәғлүмәт килде.

Республиканың барлыҡ участкаларында ла һайлау тотороҡло бара, Башҡортостаг граждандары киләһе алты йылға илебеҙ Президентын һайлай. 2018 йылдың 6 мартына бирелгән мәғлүмәт буйынса, һайлаусылар исемлегенә 3 043 583 кеше индерелгән.

Һайлаусылар 3398 стационар һайлау участкаһында, һайлаусыларҙың ваҡытлыса туҡтаған урынында (31-е – дауалау учреждениеһында, өсәүһе – шифаханала, тағы өсәүһе – тәфтиш изоляторҙарында, берәүһе – тимер юл вокзалында) ойошторолған участкала тауыш бирә. Йәмғеһе ошондай 38 урын бар.

Рәсәй биләмәһендә теркәлмәгән граждандар Посадская, 26 адресы буйынса 119-сы һайлау участкаһында граждан бурысын үтәй ала.

Барлыҡ участкаларҙа тауыш биреү өсөн нормативтарға ярашлы һайлау кабиналары һәм башҡа ҡоролмалары менә тәьмин ителгән.