Башҡортостан Прокуратураһы хәбәр итеүенсә, былтыр эшҡыуарҙарҙы законһыҙ тикшереү буйынса 83 осраҡ асыҡланған. Был ҡылыҡтары өсөн Хеҙмәт буйынса инспекция, “Росприроднадзор”, “Роспотребнадзор” идаралыҡтары белгестәре административ яуаплылыҡҡа айырыуса йыш тарттырылған.

Прокуратура асыҡлауынса, эшҡыуарҙарҙы тикше­реү йыш ҡына аноним мөрәжәғәттәргә нигеҙләнеп үт­кә­релгән, уларҙың хатта электрон почта аша ав­тор­һыҙ килгәнен тикшереү өсөн сәбәп иткән ос­раҡтар ҙа аҙ булмаған. Контроллек итеүселәр шулай уҡ ҡайһы саҡ тикшереү сараларының ваҡытын да боҙған, уның һөҙөмтәләрен тейешле кимәлдә яҙма­ған һәм алынған мәғлүмәттәрҙе берҙәм реестрҙа теркәмәгән.
Стәрлебаш районы прокуратураһы, мәҫәлән, дәү­ләт автоинспекторының бер мәктәпте планда ҡаралған ваҡыттан бер айға алдан килеп тикшерә башлауын асыҡлаған һәм полицияға был турала иҫкәрмә ебәр­гән. Балаҡатай районы хакимиәтенең муниципаль тор­лаҡ һәм ер контроле инспекторы бер эшҡыуарҙы пландан тыш тикшереү тураһындағы мәғлүмәтте реестр­ға индермәгән өсөн административ яза алған. “Роспотребнадзор”ҙың Шишмә бүлеге эксперты тик­шереү тураһында акт төҙөгәс, уны тикшере­леү­сенең үҙенә күрһәтмәгән. Ул да бының өсөн язаһыҙ ҡал­маған, әлбиттә.
Тикшереү һөҙөмтәһендә законһыҙ эш ителгән 372 осраҡ асыҡланған.