Әбйәлил районының үҙешмәкәр коллективтары Башҡортостанда Имен бала саҡ һәм ғаилә ҡиммәттәрен нығытыу йылына арналған ҙур концерт программаһы менән Баймаҡ ҡалаһында сығыш яһаны.
"Байыҡ" республика телевизион конкурсында гран-при яулаған "Йәшлек" халыҡ бейеүҙәре ансамбле, район мәҙәниәт һарайының халыҡ хоры, йырсылар Садыҡ Шаһыбалов, Зөмәрә Хызырова, бейеүселәр Радик Хәлилов, Илдар Сабитов, "Алтынай", "Сулпан" балалар бейеү, "Миләш" фольклор ансамблдәренең сағыу сығыштары баймаҡтарҙың күңеленә хуш килде. Ә тиҙҙән Баймаҡ һәүәҫкәрҙәре Әбйәлил районына юлланасаҡ.