Спортҡа һөйөү балалар күңеленә бәләкәйҙән һалына. Күптән түгел Өфө районының Булгаков ауылында үҙенсәлекле спорт ярыштары үтте. Ә инде унда кескәйҙәр менән бергә әсәйҙәрҙең ҡатнашыуы байрамға йәм өҫтәне.

Сараның маҡсаты – үҫеп килгән быуында спортҡа һөйөү уятыу, балаларҙы физик яҡтан сыныҡ­тырыу. Байрамса биҙәлгән спорт-физкультура майҙа­нында кескәйҙәр командаларға бүленде. Балалар ҡулға-ҡул тотоношоп, парадта үтте, командалар бер-береһен сәләмлә­не. Аҙаҡ сәмле ярыш башланды. Был көндә улар ҡурсаҡ ултыртылған колясканы йөрөтөп, үҙҙәрен ағай-апай кеүек хис итте, тупты алыҫҡа ырғытып көс һы­нашты, һүҙҙәр төҙөп зирәклеген күр­һәт­те. Кескәй спорт­сыларҙың һәр бе­ре­һенең беренсе булғыһы килде. Көйәр­мән ата-әсә­ләр балаларҙы дәртлән­де­реп торҙо. Ярыш араһында балаларҙың музыкаль сығыштары байрамға йәм өҫ­тәне. Гимнастик күнекмәләр һәм заманса дәртле бейеүҙәр күңелдәргә бигерәк тә хуш килде.
Эстафетала ярыш көсөргәнешле барһа ла, майҙанда дуҫлыҡ, байрам кә­йефе һиҙелде. Әсәйҙәр тик кенә ултырманы, кескәйҙәр менән бергә йүгерҙе, һикерҙе, йырланы, бейене. Ярышта дуҫ­лыҡ еңде!
Балалар баҡсаһы мөдире Юлия Монастырева әйтеүенсә, ярышҡа балалар ентекле әҙерләнгән. Әйт­кән­дәй, бында, спорттың тормошта әһәмиәте ҙур булы­уын күҙ уңында тотоп, бәләкәстәрҙе спортҡа, физ­куль­тураға әүҙем йәлеп итәләр.
Ярыш күмәк йыр менән тамамланды. Бәйгелә ҡатнашыусы­ларға бүләктәр тапшырылды.