Башҡортостан мәғарифты үҫтереү институтында “Башҡортостан мәктәпкәсә белем биреү ойошмаһының йыл педагогы” бәйгеһендә бөтәһе 57 ҡатнашыусы (41 район һәм 16 ҡаланан) көс һынашты.

Республикабыҙҙың мәғариф министры Гөлназ Шафиҡованың һүҙҙә­ренә ҡарағанда, конкурстың абруйы йылдан-йыл арта бара, шул уҡ ва­ҡыт­та уның яңы форматта уҙға­ры­лыуы мөһим.
Конкурсты асыу һәм ябыу тантаналарында Өфө ҡалаһының 3-сө, 51-се, 166-сы, 278-се балалар баҡса­һы тәрбиәләнеүселәре һәм тәрбиә­се­ләре йыр менән сығыш яһаны, ә Тимур Исмәғилев шиғыр һөйләп ишеттерҙе.
Бер нисә өлөштән торған конкурс­тың финалына иң-иңдәр генә етте.
Шулай итеп, “Иң яҡшы тәрбиәсе” номинацияһында Розалия Ваһапо­ваға (Нефтекама ҡалаһы, 7-се балалар баҡсаһы) етеүсе табылманы, “Иң яҡшы музыка етәксеһе” тип Татьяна Жильцова (Хәйбулла райо­нының Аҡъяр ауылы, “Бәпембә” балалар баҡсаһы) танылды, “Иң яҡшы физик культура инструкторы” исе­менә Эльза Казакова (Октябрьский ҡалаһы, 32-се “Золушка” балалар баҡсаһы) лайыҡ булды. Ә “Башҡорт­остан мәктәпкәсә белем биреү ойош­маһының йыл педагогы” еңеүсеһе – Өфө ҡалаһынан 277-се балалар баҡсаһының өлкән тәрбиәсеһе Светлана Титова.
– Һәр бала һәләтле, уны күрә белеү шарт, – тип һөйләй Светлана Петровна. – Уларҙың һәр береһе менән айырым шөғөлләнеү яҡлы­мын. Әл­биттә, күмәк булғанда ли­дер­ҙар айырылып тора. Ә бына бү­тәндәрҙе әүҙемләштереү уҡытыу­сы­ның оҫталы­ғына туранан-тура бәйләнгән.
Конкурста еңеү яулауҙы трамплин менән сағыштыралар. Ысынлап та, бындай бәхеткә ирешкән кеше килә­сәк­тә тағы ла ҙурыраҡ бәйгелә ҡат­нашыу хоҡуғын ала. Әгәр ҙә призлы урын эләкмәне икән, һис кенә лә борсолорға кәрәкмәй. Берәү әйтмеш­ләй, еңеү мөһим түгел, ә ҡатнашыу үҙе ни тора! Килешәйек, ошо көндәрҙә күпме фекерҙәштәр тапты улар, үҙҙә­ренең мөмкинлек­тәрен һынап һәм самалап ҡара­ны. Ваҡытты фай­ҙа­лы уҙғарыу­ҙан тыш, тыуған яҡта­ры­на бай тәьҫораттар менән ҡайтты конкурсанттар.