Рәсәй Пенсия фонды иҫкәртеүенсә, социаль хеҙмәттәр йыйымына хоҡуҡлы кешеләр уларҙы натуралата йәки аҡсалата алыу мөмкинлегенә эйә. Ҡануниәткә ярашлы, был йыйымдың тулыһынса йәки өлөшләтә аҡсаға алмаштырылыуы ла ихтимал.

Быйылғы 1 февралдән социаль хеҙмәттәр йыйымы хаҡы айына 1 048,97 һум, шул иҫәптән дарыуҙар менән тәь­мин итеүгә – 807,94 һум, төп ауы­рыу­ҙарҙы иҫкәртеү өсөн шифахана-курорт учреждениеларына юлламаларға – 124,99 һум, ҡала яны тимер юл транспортында бушлай юл йөрөүгә, шулай уҡ ҡала-ара транспортында дауаланыу еренә барып ҡайтыуға 116,04 һум тәшкил итә.
Йыйымды натуралата алыуҙан баш тартып, аҡсалата эквивалент биреү­ҙәрен һорап ғариза яҙһағыҙ һәм ҡарарығыҙ үҙгәрешһеҙ ҡалһа, Пенсия фондына ошо мәсьәлә буйынса әленән-әле мөрәжәғәт итеүҙең кәрәге юҡ. Әгәр ҙә киләһе йылдың 1 ғинуарынан социаль хеҙмәттәр йыйымын ҡайтанан файҙа­ланырға теләһәгеҙ йәки бындай хо­ҡу­ғығыҙ әле генә барлыҡҡа килһә, 1 ок­тя­бр­гә тиклем клиент хеҙмәте йә бул­маһа Пенсия фонды сайтындағы шәхси кабинет аша фондҡа ғариза яҙырға кәрәк.