“Йәшә” (“Живи”) хәйриә фонды Рә­сәйҙә беренселәрҙән булып балалар лейкозының тәүге билдәләре тура­һында мәғлүмәти онлайн-платформа булдырҙы. “Стоп лейкоз” тигән һыл­танма аша инеп, һәр кем был ҡурҡы­ныс сир тураһында тулы мәғлүмәт менән бер рәттән тест үтә һәм, яҡы­ны­ның һаулығы тураһында шик тыуған осраҡта, артабан нимә эшләргә, ҡайҙа мөрәжәғәт итергә кәрәклеген белә ала.

Донъяла яман шешкә дусар балаларҙың 40 проценты тап лейкоз менән сирләй. Рәсәйҙә йыл һайын ҡан системаһының яман ауырыуы диагнозын яҡынса 1500 балаға ҡуялар. Проблеманы был сиргә этәргес булған сәбәптәрҙең асыҡланмауы һәм уны иҫкәртеп булмауы тағы ла киҫкенерәк итә. Яман сир башланған са­ғында уҡ асыҡланһа, был йүнәлеүгә өмөттө арт­тыра, уның артабан үҫешеүен контролдә тотоу мөмкинлеге барлыҡҡа килә. Тағы ла шу­ныһы: ғәҙәттә, лейкоз билдәләрен башҡа сир менән бутайҙар һәм, ҡиммәтле ваҡытты әрәм итеп, икенсе ауырыуҙан дауалайҙар. Ошо­нан сығып, “Стоп лейкоз” порталы ата-әсәләргә мәғлүмәти ярҙам күрһәтеүҙе маҡсат итеп ҡуя.