Бөрйән районы хакимиәте башлығы Рөстәм Шәрипов билдәләүенсә, Шүлгәнташ мәмерйәһе эргәһендә мобиль элемтәнең ышаныслы эшен тәьмин итеү, асфальт юл һалыу мәсьәләһе хәл ителә.

– Республика Башлығының күрһәтмәһенә ярашлы, кордон биләмәһендә ретратранслятор ҡуйылды. “Билайн”дан Интернет 200 – 300 метр арауыҡта эшләй. Шылтыратырға ла мөмкин. Элемтә операторҙары менән вышка ҡуйыу тураһында һөйләшеүҙәр алып барабыҙ, — тине ул.
Август аҙағында шулай уҡ Шүлгәнташ мәмерйәһенә тиклем юл проекты әҙер буласаҡ. Рөстәм Шәрипов әйтеүенсә, хакимиәт сауҙалашыу үткәреп, эште быйыл уҡ башларға ниәтләй. Бурыс – юлды мәмер­йәгә тиклем һалыу. Проекттың хаҡы 120 миллион һум самаһы тип баһалана.