Матбуғатта шау-шыу тыуҙырған Волгоград чиновниктары, ниһайәт, Италиянан ҡайтҡан.
Билдәле булыуынса, бынан бер нисә көн элек өлкә губернаторы, урындағы депутаттар һәм уларҙың ғаилә ағзалары – йәмғеһе 50-нән ашыу кеше – Тосканаға осҡайны. Рәсәй чиновниктары биш йондоҙло отелдә туҡтаған. Рәсми хәбәрҙәр буйынса, улар Италияға эшлекле осрашыуға барған. Әммә, йәмәғәтселек фекеренсә, чиновниктар ҡояшлы илдә күңел асҡан һәм ял иткән, сөнки ошо көндәрҙә губернатор тыуған көнөн билдәләгән. Ә Италияла католиктарҙың байрамы бара – эш ҡайғыһы юҡ.