Башҡортостанда Һаулыҡ һаҡлау министрлығы ашығыс медицина ярҙамын саҡырыуҙың Берҙәм дежур-диспетчер хеҙмәтен ойоштороу йәһәтенән күләмле проектты тормошҡа ашыра. Бының өсөн Өфөләге ашығыс медицина ярҙамы һәм фажиғәләр медицинаһы станцияһы нигеҙендә Ярҙамға саҡырыуҙы эшкәртеү үҙәге төҙөлә.

Әле үҙәк тест режимында эшләй. Иң элек Өфө ҡалаһын һәм районын йәлеп итеү, киләһе йылдан бындай хеҙмәтте бөтә республикаға таратыу күҙаллана. Белгестәр әйтеүенсә, үҙәктән идара итеү иҫәбенә пациенттарҙы дауаханаға килтереүҙең һөҙөмтә­лелеге тәьмин ителәсәк. Республика картаһында онлайн тәрти­бендә медицина ярҙамы маши­наларының хәрәкәте, тиҙлеге һәм башҡа күрһәткестәре күрһәтелә. Ашығыс һәм кисектергеһеҙ медицина ярҙамы күрһәткән транспорт сараларының барыһы ла ГЛОНАСС аппарат комплекстары менән йыһазландырылған. Программа уны файҙаланыу һөҙөм­тәлелеген арттырыу, бригаданың урынға барыу ваҡытын ҡыҫҡар­тыу, зыян күреүселәрҙе ваҡы­тында дауаханаға килтереү мөмкинлеген бирә.
Әйткәндәй, “Ашығыс ярҙам” бригадалары махсус планшеттар менән тәьмин ителә. Улар ярҙамында табиптар ярҙамға саҡырыусы тураһында тейешле мәғлүмәт алыу мөмкинлегенә эйә, медицина картаһын ҡулдан тултырыуҙан азат ителә, пациенттың электрон медицина картаһындағы мәғлүмәт менән таныша ала.