Рәсәй Пенсия фондының Башҡортостан бүлексәһе биргән мәғлүмәттәргә таянып, “Башҡортостанстат” белдереүенсә, быйылғы 1 ғинуарға ҡарата республикала уртаса пенсия 11 806 һум тәшкил иткән. Уҙған йыл башында ул 11 420 һумға тиң ине.
Әле төбәктә 1,164 миллиондан ашыу (былтыр 1,148 миллион булған) пенсионер иҫәпләнә, шуның 1,065 миллиондан ашыуы страховка пенсияһы ала. Уларға айлыҡ түләү, һәр ҡайһыһына бүлгәндә, уртаса 12 080 һум тәшкил итә.
Ошондай категорияға ҡараған­дарҙың дөйөм һанынан 970 мең самаһы кешегә ҡартлыҡ буйынса пенсия таратыла. Башҡорт­остан­да был түләүҙең уртаса күләме 12 466 һум тәшкил итә. Инвалид­лыҡ буйынса пенсияның уртаса күләме 7980 һум булһа, ҡарау­сыны юғалтҡан осраҡта бирелгәне 8317 һумға тиң.
Бынан тыш, республикала дәү­ләт пенсия тәьминәте буйынса хеҙмәтләндерелгән 99 мең кеше иҫәпләнә. Уларҙың уртаса пен­сияһы 8863 һум тәшкил итә.