Өфөлә “Студент яҙы-2017” республика юғары уҡыу йорттары студенттарының художество ижад фестиваленең гала-концерты булды. Унда 600-гә яҡын кеше ҡатнашты. Быйыл фестиваль 47-се тапҡыр үткәрелде. Уның программаһына театр һәм музыка сәнғәте, үҙенсәлекле жанр, хореография, журналистика кеүек номинациялар инде. Гала-концертҡа төбәк Башлығы Рөстәм Хәмитов та килде. Ул фестивалдә ҡатнашыусыларҙы сәләмләп:
– Был һоҡланғыс, күркәм байрам йәштәрҙе, таланттарҙы үҙенә йәлеп итә. Һеҙгә ҡараһам, йәшлегем күҙ алдына баҫа, гитара алып, агитбригадалар менән ил буйлап сәйәхәт итеүебеҙ, концерт ҡуйыуыбыҙ иҫемә төшә, – тине.