Өфөлә республика Башлығы Рөстәм Хәмитов “Йәшел Рәсәй” Бөтә Рәсәй экологик өмәһенә ярашлы уҙғарылған “Минең Республикам” тәбиғәтте һаҡлау акцияһында ҡатнашты.
Өфө халҡына таҙартыу һәм йәшел­ләндереү өсөн бер нисә майҙансыҡ бүлеп бирелде. Улар – Непейцев дендропаркы, Салауат Юлаев паркы, Конгресс-холл эргәһендәге биләмә һәм А. Матросов исемендәге баҡса.
Өмәләр экологик хәлде яҡшыртыу маҡсатында май байрамдары алдынан ойошторолдо. Унда дәүләт власы органдары, муниципалитеттар, йәмә­ғәт ойошмалары, предприятиелар ҡатнашты. Төбәк етәксеһе Башҡортос­тан Республикаһы Башлығы Хаки­миәте хеҙмәткәрҙәре менән берлектә А. Матросов исемендәге баҡсаны сүп-сарҙан таҙартты.
Башҡортостан төҙөкләндереү һәм йәшелләндереү буйынса сараларҙы әүҙем үткәрә. Бөтә Рәсәй өмәһе осоронда ла төбәктә “Минең республикам” тәбиғәтте һаҡлау акциялары, шулай уҡ махсус һаҡланған тәбиғәт биләмә­ләре – ҡурсаулыҡтарҙы, милли һәм тәбиғәт парктарын, заказниктарҙы һәм тәбиғәт ҡомартҡыларын тәртипкә килтереүгә йүнәлтелгән “Парктар маршы” ойошторолдо.