Баймаҡ районы Татлыбай ауылында тыуып, Сибай ҡалаһында йәшәүсе Байбулова Гөлнур Әбделғәзи ҡыҙын 60 йәшлек күркәм байрамы менән ҡотлайбыҙ! Гөлнур Әбделғәзи ҡыҙы 40 йыл инде һаулыҡ һаҡлау өлкәһендә эшләй, шуның 37 йылы тик бер урында – Сибай ҡала балалар поликлиникаһының лор кабинетында шәфҡәт туташы вазифаһында.Уны ҡыҙы, ейәне, кейәүе, бөтә туғандары сикһеҙ яратабыҙ, коллегалары, дуҫтары оло ихтирам һәм хөрмәт күрһәтә. Ул – яҡшы белгес, мөләйем өләсәй, яғымлы әсәй һәм ҡәйнә, изге күңелле апай, яҡшы дуҫ һәм ысын әхирәт.
Яҡын һәм ҡәҙерле кешебеҙ! Һине ысын күңелдән тыуған көнөң менән ҡотлайбыҙ, оҙон ғүмер, иң мөһиме – ныҡлы һаулыҡ теләйбеҙ, бәрәкәтле, мул тормошта һәр атҡан таңға ҡыуанып, яҡындарың араһында ҡәҙер-хөрмәттә генә донъялыҡтың рәхәтлеген тойоп йәшәргә яҙһын!
Сәләмәтлек ташламаһын ине,
Һәр юбилей үтһен шатлыҡта.
Йәшәү йәме, донъя именлеге
Юлдаш булһын һиңә тормошта!
Иң изге теләктәр менән бөтә туғандарың.