30 мартта иртәнге сәғәт 10-дан көндөҙгө 12-гә тиклем баш ҡалабыҙҙың Ибраһимов бульварындағы 47/1-се йортта инвалидтар һәм һаулыҡ торошона бәйле мөмкинлектәре сикләнгән граждандар өсөн махсус вакансиялар йәрминкәһе үтә.


Өфөнөң Халыҡ мәшғүллеге үҙәгенән белдереүҙәренсә, тәҡдим ителәсәк эш урындары иҫәбендә төп инженер, уҡытыусы, өҫтәмә белем биреү тармағы белгесе, тәрбиәсе, музыкаль етәксе, табип, дизайнер, инженер-программист, консультант, архивариус, вахтер, гардеробсы, геолог, эш башҡарыусы, кассир, кондуктор, аш-һыу бүлмәһе эшсеһе, мастер, яғыулыҡ ҡойоу станцияһы операторы, умартасы, слесарь, техник, фармацевт һәм электромонтажсы кеүек һөнәрҙәр бар.
Сараға килеүселәргә мәшғүллек өлкәһендәге дәүләт хеҙмәттәре күрһәтелә, шул иҫәптән вакансияларға ҡағылышлы хәл тураһында мәғлүмәт бирелә, компьютер диагностикаһы һәм һөнәри йүнәлеш буйынса консультациялар үткәрелә. Бөтә хеҙмәттәр ҙә бушлай.