Венера Ибраһим ҡыҙы Фәйзуллинаның юбилейы..

Борай районының Яңы Ҡарғалы ауылында тыуып үҫеп, әле Өфөлә тормош көтөүсе Венера Ибраһим ҡыҙы Фәйзуллинаны күркәм юбилейы менән ҡотлайбыҙ!
Кешене бәхет тыуҙырмай, бәхетте кеше үҙе булдыра. Һин үҙ бәхетеңде үҙең тыуҙырып, иреңә, улыңа, туғандарыңа өлөш сығарҙың. Йәмәғәт эштәрендә ҡайнап, күп кешегә изгелектәр ҡылдың, ярҙам ҡулы һуҙҙың. Яҡты сырайың, йылы һүҙҙәрең өсөн рәхмәт һиңә!
Хөрмәтле Венера Ибраһим ҡыҙы! Киләсәктә лә киң күңелле, оло йәнле булып, ғаилә шатлыҡтарына ләззәтләнеп, яҡындарыңдың яғымлы ҡарашын тойоп, сәләмәтлеккә туйып, мул ризыҡтар менән бәрәкәтле ғүмерҙәр кисерергә яҙһын! Өйөң нурға тулһын, тормошоң шатлыҡлы осрашыуҙарға бай булһын!
Юбилейың ишек ҡаҡҡас,
Мендем тимә ғүмер түренә.
Йәшлек дәрте тулы йондоҙҙар
Һибелһендәр күңел түреңә.
Һеҙ ерҙәге һәр нәмәгә ғашиҡ,
Ғашиҡ таңға, зәңгәр кистәргә.
Йәшәйһегеҙ шундай гүзәллеккә
Тағы матур бер йәм өҫтәргә.

Иң изге теләктәр менән
Башҡорт ҡатын-ҡыҙҙары йәмғиәте исеменән Гүзәл Рамаҙан ҡыҙы Ситдиҡова, Гөлназ Мират ҡыҙы Ҡотоева, Гөлнур Ғәлинур ҡыҙы Ҡолһарина, Ләлә Ғибәт ҡыҙы Бейешева, Мәхмүзә Ҡәлим ҡыҙы Ғәйнуллина, Гөлфинә Марс ҡыҙы Юламанова, Сәүиә Миңлеғәли ҡыҙы Ғәзизова, Гөлсара Шамил ҡыҙы Килдеғолова, Фидалиә Насыр ҡыҙы Сәғиҙуллина, Рәмилә Ғүмәр ҡыҙы Әбделғужина, Милүшә Муллаян ҡыҙы Йәнгирова (Борай).