Суд приставтары федераль хеҙмәтенең Башҡортостан буйынса идаралығында эшләгән «ҡыҙыу линия» бурыс түләттереүсе ойошмаларҙың эшмәкәрлегенә бәйле мөрәжәғәттәр ҡабул итә.
Коллекторҙарҙың закон сиктәренә һыймаған ғәмәлдәре тураһында эш көндәрендә иртәнге сәғәт 9-ҙан киске 6-ға тиклем 273-71-49 телефоны буйынса (Өфөнөң коды – 347) шылтыратып әйтергә мөмкин.
– Суд приставтары бурыстарҙы түләттереү буйынса эшмәкәрлекте тормошҡа ашырғанда граждандарҙың хоҡуҡтарын һәм законлы мәнфәғәттәрен яҡлау буйынса федераль законды ҡулланыуға ҡағылышлы һорауҙарға яуап бирергә әҙер, – тип аңлатма бирҙе ведомствоның матбуғат хеҙмәте.