Башҡортостан “БДИ-ны тапшырасаҡмын!” федераль проектына ҡушылды. Төп маҡсат – һынауҙың һөҙөмтәлелеген арттырыу.
Проектҡа ярашлы, күптән түгел республиканың Мәғариф министр­лығы, Башҡортостан Мәғарифты үҫтереү институты һәм “Просвещение” нәшриәте хеҙмәткәрҙәре берлектә педагогтар өсөн “Уҡыу­сыларҙы дәүләт йомғаҡлау аттес­тацияһына әҙерләүҙе ойоштороу эшен камиллаштырыу” тигән темаға семинар үткәрҙе. Сарала шулай уҡ Педагогик үлсәүҙәрҙең федераль институты, Берҙәм дәүләт имтиханы, Төп дәүләт имтиханы өсөн кон­троль-үлсәү материалдары әҙер­ләгән федераль комиссия вәкил­дәре ҡатнашты.
Семинарҙа быйылғы һынау һөҙөмтәләре тикшерелде, төрлө осраҡтарға анализ яһалды, ғәҙәттәге хаталарҙың сәбәбе өйрәнелде. Башҡа республика­ларҙың педагогтары үткәргән оҫта­лыҡ дәрестәре дөйөм проблема­ларҙы асыҡлап, уларҙы хәл итеү юлдарын бергәләп эҙләүҙең мөһимлегенә инандырҙы.