“Росгосстрах” компанияһының Башҡортостандағы йәнә бер хеҙмәткәренә страховкалау договорын төҙөүҙән нигеҙһеҙ баш тартҡаны һәм өҫтәмә хеҙмәттәрҙе көсләп таҡҡаны өсөн штраф һалынды.
Әйткәндәй, был хәлде компания­ның урындағы офисына ОСАГО килешеүен төҙөргә килгән Ҡариҙел ауылында йәшәгән ханым видеоға төшөргән. Страховка фирмаһы хеҙмәткәре, автомобиль хужаһы тор­лағын страховкаламай тороп, әлеге киле­шеүҙе рәсмиләштереүҙән баш тартҡан.
Видеояҙманы ҡатын прокурату­раға тапшырған. Әле компания хеҙ­мәткәренә ҡарата административ эш ҡуҙғатылған, Ҡариҙел офисы етәксеһенә 20 мең һум штраф һалынған.
Башҡортостан Прокуратураһы мәғлүмәттәренән.