Һәр беребеҙҙе юлға сыҡҡанда яҡындарыбыҙ хәйерле юл теләп оҙата. Үкенескә ҡаршы, арабыҙҙа юл ҡағиҙәләрен һанламағандар күрәләтә үҙен дә, бүтәндәрҙе лә һәләкәткә илтә. Был хаҡта миҫалдарҙы күп килтерергә мөмкин.
Рәсәй эске эштәр министры урынбаҫары Игорь Зубов бил­дәләүенсә, йыл әйләнәһенә дүрт меңдән ашыу кешегә юл хәрәкәте ҡағиҙәләрен боҙғаны өсөн йөҙҙән дә күберәк штраф һалына. Шуларҙың 45 проценты юлдағы тәртипһеҙлеге өсөн бер нисә тапҡыр яуаплылыҡҡа тарттырылған.
Рәсәй Эске эштәр министр­лығы мәғлүмәттәре буйынса, туғыҙ айҙа илдә 125 мең юл хәрәкәте фажиғәһе теркәлгән. Аварияла 14,5 мең кеше һәләк булған, 159 меңе йәрәхәт­ләнгән. 2015 йылда 180 мең юл афәтендә 23 мең кеше яҡты донъя менән хушлашҡан, 231 мең кеше ҡазаланған.