Өфөләрҙе композитор Заһир Исмәғилевтең тыуыуына 100 йыл тулыуға арналған Сәнғәт төнөнә саҡыралар. Сара 3 ноябрҙә киске сәғәт 6-ла Мәжит Ғафуриҙың мемориаль йорт-музейында уҙғарыла.Программаның “Илап тыуһам да мин, йырлап үҫтем...” тип аталған тәүге өлөшөндә “түңәрәк өҫтәл” ойошторола. Унда тамашасыларҙы композиторҙың ҡыҙы Ләйлә Исмәғилева һәм “Заһир Исмәғилев” картинаһының режиссерҙары Зөһрә Бураҡаева, Роман Пожидаев менән осрашыу көтә. Шулай уҡ “Заһир Исмәғилев” фильмын да күрһәтәсәктәр.
“Ҡурайҙан алып операға тиклем” тигән икенсе өлөштә ижади коллективтарҙың, студент-музыканттарҙың концерты тәҡдим ителә. Теләге булған һәр кеше музей һәм “Шағирҙың сәйәхәте” күргәҙмәһе менән таныша ала. Сараны Башҡортостандың Милли әҙәбиәт музейы ойоштора.