Республикала Айырыуса хәүефле һәм карантинлы сирҙәрҙең таралыуын иҫкәртеү буйынса ғәҙәттән тыш ведомство-ара комиссияһының сираттан тыш ултырышы уҙҙы. Ул сусҡа тағунының һәм бешмә сиренең таралыуына бәйле булды.

Билдәләнеүенсә, һуңғы айҙарҙа был йәһәттән хәл ҡырҡа киҫ­кенләшкән. Сыуашстанда, Татарстанда сирҙәрҙең көсәйеү ос­раҡтары теркәлгән. Республикабыҙ был төбәктәр менән сиктәш.
— Халыҡҡа хәлде аңлатырға кәрәк. Хужалыҡтағы бер сусҡа сирләгән осраҡта, биш саҡрым радиустағы барлыҡ ошондай мал юҡ ителергә тейеш. Меңдәрсә баш аҫралған ҙур ком­плекстарға хәүеф янай, шуға иғтибарҙы арттырырға кәрәк, — тине Башҡортостан Хөкүмәте Премьер-министры урынбаҫары Ирек Мөхәмәтдинов биләмә башлыҡтарына мөрәжәғәтендә.