Ғалимдар яман шештән генетик йәһәттән бөтөнләй ҡотолоп булыуын бер тауыштан раҫлаған. Бер-бер артлы шеш барлыҡҡа килтереүсе мутацияланған гендар асыҡлана.
Хәҙер иғтибар үҙәгендә — WWP2 гены. Был ген һәр кешелә бар, әммә ғалимдар уның ни өсөн кәрәклеген аныҡ ҡына белмәй. Тап ошо ген яман шештәрҙә ҙур күләмдә була икән. Иң киң таралған ғилми фараз: WWP2 метастазм барлыҡҡа килеүгә мөмкинлек бирмәүсе тәбиғи ингибиторға һөжүм итә һәм бүлгеләй.
Көнсығыш Англия университеты докторы Эндро Чантри етәкселегендәге Британия ғалимдары күҙаллауы буйынса, “ҡоротҡос” эшен тотҡарлаусы дарыу яһарға мөмкин. Ғалимдар гендарға йоғонто яһай аласаҡ молекула менән тәжрибә үткәрә башлаған да инде. Клиник тестар иҫбатлауынса, WWP2-гә ҡамасаулау тәбиғи ингибиторҙар концентрацияһын күтәрә һәм яман шеш күҙәнәктәре әүҙемләшә алмай.