Ошо көндәрҙә Башҡортостан Хөкүмәте Премьер-министры Рөстәм Мәрҙәнов “Шүлгәнташ мәмерйәһе” музейын төҙөү тураһындағы ҡарарға ҡул ҡуйҙы. Музей палеолит осоро һүрәттәрен һаҡлауҙың халыҡ-ара стандарттары буйынса төҙөләсәк. Проекттың авторҙары – Күсемһеҙ мәҙәни мираҫты һаҡлау һәм файҙаланыу буйынса фәнни-етештереү үҙәге белгестәре Франциялағы “Ласко”, “Шове”, “Руфиньяк”, “Арси-сюр-Кюр” һәм Испаниялағы “Альтамира” музейҙарының тәжрибәһен өйрәнгән.
Проект тормошҡа ашырылыу менән Шүлгәнташ мәмерйәһенең үҙенсәлектәрен тикшереү буйынса эш киңерәк йәйелдереләсәк, туристар һаны ла бермә-бер артасаҡ.
Музей комплексын ике йыл эсендә төҙөргә планлаштыралар. Бының өсөн 350 миллион һум аҡса сарыф ителәсәк.