Һәр миҙгелдең үҙ йәме. Тышта — алтын көҙ. Тимәк, тиҙҙән оло йәштәгеләр көнө. Атай-әсәйегеҙҙе, олатай-өләсәйегеҙҙе ниндәй бүләк менән ҡыуандырмаҡсыһығыҙ? Милләттәшебеҙ — йәш эшҡыуар, сәйәхәтсе Денис Өмөтбаев иһә хәл иткән дә инде: Сибай ҡалаһында йәшәгән әсәһе Вәсилә Ғәли ҡыҙына “Башҡортостан” гәзитенә ярты йыллыҡ яҙылыу бүләк итте.
— Мин — рухлы кеше. Рухты миңә әсәйем һеңдергән. Шуға байрамдар, иҫтәлекле ваҡиғалар була ҡалһа, әсәйемде ниндәй ҙә булһа берәй үҙенсәлекле бүләк менән ҡыуандырырға тырышам. Йәшермәйем, был юлы ла оҙаҡ ҡына баш ватырға тура килде һәм... “Башҡортостан” гәзитенә туҡталдым. Милли... Ижадкәр... Иң мөһиме — рухлы... Ярты йыл буйына аҙнаһына өс тапҡыр минең сәләмем булып барып етәсәк ул ҡәҙерлемә, — ти Денис.Ә һеҙ яҡындарығыҙға бүләк һайланығыҙмы?