Һайлау буйынса әлеге сәғәттәргә яҡынса мәғлүмәттәр буйынса тауыш биреүҙә һайлаусыларҙың 72,23 проценты ҡатнашҡан. Партия исемлектәре буйынса һайлауҙа тауыштар һаны йәһәтенән “Берҙәм Рәсәй” сәйәси партияһы алда бара. Уның өсөн граждандарҙың 58,73 проценты тауыш биргән. Икенсе урында – КПРФ сәйәси партияһы – 18,45 процент, өсөнсөлә – ЛДПР – 9,75 процент. Һайлаусылар тауышының 6,27 процентын алған “Ғәҙел Рәсәй” иһә дүртенсе урынды яулай.