“Өфө-II ҡаласығы” археология ҡомартҡыһында Көньяҡ Уралда тиңе булмаған күләмле фортификация ҡоролмаһы тикшерелде. “Боронғо Өфө” музей-ҡурсаулығынан хәбәр итеүҙәренсә, ҡаласыҡтағы ҡәлғә соҡороноң үҙенсәлектәре асыҡланды. Мәғлүмәттәргә ярашлы, соҡорҙоң киңлеге – 25 метр самаһы, тәрәнлеге – 4,5 метр.


Иң ҡыҙыҡлы табыштар – ике бронза таралғы (IV–V быуаттар), көмөш алҡа (VI–VII быуаттар) һәм салтово-маяцк мәҙәниәтенә ҡараған керамика фрагменттары (VIII быуат уртаһы – Х быуат башы). Шулай уҡ бында бахмутин, турбаҫлы һәм кушнаренко археологик мәғәниәттәренә ингән бик күп керамика өлөштәре, хай­уан­дарҙың (шул иҫәптән дөйә) һө­йәктәре, балсыҡтан һәм һөйәктән яһалған әйберҙәр табылған.
Материал Рәсәй һәм сит ил тикшеренеүселәрендә ҙур фәнни ҡыҙыҡ­һыныу тыуҙыра. Быйыл июлдә Буда­пештағы Петер Пазмань исемендәге Католик университеты менән Республика тарихи-мәҙәни музей-ҡурсаулығы араһында меморандумға ҡул ҡуйылды. Күптән түгел “Өфө-II ҡаласығы” археология ҡомарт­ҡыһына Венгрия археологтары килде.
Музей-ҡурсаулыҡ археологтары ҡаҙыу эштәре барышында табылған мате­риалдарҙы ентекле өйрәнергә, урта быуаттарҙағы биләмә халҡының көнкүреше тураһында мәғлүмәт тупларға ниәтләй. Үҙенсәлекле табыштар археология коллекцияһын байытасаҡ. Артефакттар иһә күргәҙмәләргә ҡуйыласаҡ.