Бразилияла спорт донъяһында киң резонанс тыуҙырған Олимпия уйындарында еңеү яулаған Рәсәй спортсылары, йола буйынса, аҡ төҫтәге яңы автомобилдәр менән бүләкләнде. Быйыл еңеүселәргә BMW X6 моделе тәғәйен булһа, көмөш яулаусыларға – BMW X4, ә бронзаға өлгәшеүселәргә BMW X3 маркалы автомобилдәр эләкте.


Кремлдә Рәсәй Президенты Владимир Путин һәм Хөкүмәт Премьер-министры Дмитрий Медведев тантаналы шарттарҙа спортсыларға дәүләт наградаларын һәм автомобиль асҡыстарын тапшырҙы. Бынан тыш һәр береһенә тағы аҡсалата премия ҡаралған: алтын миҙал өсөн – 4 миллион, көмөш миҙал өсөн – 2,7 миллион, ә бронза миҙал өсөн – 1,7 миллион һум.
2014 йылда Сочи ҡалаһында уҙған Олимпия уйындарының миҙалсы­лары – Mercedes, ә Лондон ҡала­һында еңеүселәр Audi маркалы автомобилдәр менән бүләкләнгәйне.
Был күренеште хуплағандар ҙа һәм кире ҡараштағылар ҙа бар. Мәҫәлән, “АвтоВАЗ” компанияһының сит һәм эске коммуникациялар буйынса вице-президенты Раф Шакиров былай тине:
– Рәсәй заводтарында спортсы­ларға яҡшы бүләк булырлыҡ заманса автомобилдәр етештерелә. Килә­сәктә спортсыларыбыҙҙы ватан машиналары менән бүләкләй башлар­быҙ тигән өмөттә ҡалам.