10 сентябрҙә Бөрйән районының Иҫке Собханғол ауылында “Бөрйән балы – башҡорт даны” халыҡ-ара этнофестивале үткәрелә. Сараның программаһына бал һәм умартасылыҡ продукттарының күргәҙмә-сауҙаһы, урындағы етештереүселәрҙең ауыл хужалығы продукцияһы йәрминкәһе, ҡул оҫталарының дәрестәре, күңел асыу, спорт уйындары, концерт инә. Фестиваль умартасылыҡты үҫтереү, Бөрйәндәге бал ҡорттарын, солоҡсолоҡто һаҡлап ҡалыу, умартасыларға ярҙам итеү маҡсатында ойошторола.
Сарала ҡатнашыу өсөн ғаризалар түбәндәге телефондар буйынса ҡабул ителә: 8 (34755) 3-62-42, 3-62-86, электрон почта: [email protected].