Мәктәп автобустарын яңыртыу буйынса федераль программаға ярашлы Башҡортостан яңы уҡыу йылына 58 транспорт сараһы аласаҡ.

Дөйөм алғанда, Рәсәйҙәге мәктәп автобустары паркында яңырыу 15 сентябргә тиклем дауам итә. Быйыл федераль программаға 3 миллиард һум аҡса бүленгән. Төбәктәргә 1 860 автобус оҙатыласаҡ. Улар файҙаланыу ваҡыты үткән, уҡыусыларҙы ташыу хәүефһеҙлеге талаптарына яуап бирмәгән иҫке транспортты алмаштырасаҡ.