Әлеге көндәрҙә Өфөлә Дәүләт автоинспекцияһы “Бурыслы” операцияһы үткәрә. Сараның маҡсаты – административ штрафы булғандарҙы табып,
бурыстарын түләттереү.


Мәғлүм булыуынса, авто­инс­пек­торҙар һалған штрафты ике ай эсендә түләргә кәрәк. Ярайһы уҡ ҙур арауыҡ, ләкин бурысын ҡапларға ашыҡмаған кешеләр ҙә бай­таҡ. Тотола ҡалған осраҡта был үтес улар өсөн ике тапҡырға арта! Һис тә отошло түгел, әлбиттә, шуға күрә ваҡытында түләп ҡотолоу яҡшы­раҡ. Юл ҡағиҙәләрен боҙғанһың икән, үҙең ғәйепле. Етмәһә, бындай штрафты 20 көн эсендә түләү шоферға 50 процент ташлама бирә.