Башҡортостан аграрийҙары әле 1 миллион тоннаға яҡын иген йыйып алған. Ураҡ бөтә райондарҙа ла дауам итә. Гектарынан уртаса уңыш — 21,1 центнер.


Саҡмағош районында был күрһәткес гектарынан 30,5, Ҡырмыҫҡалыла — 26,4, Стәрлетамаҡ районында 25 центнерға етә. Башҡортостандың Ауыл хужалығы консультациялары биреү үҙәге мәғлүмәттәренә ярашлы, 0,5 миллион гектарҙан ашыу майҙанда (28 процент) иген һәм ҡуҙаҡлы культуралар йыйып алынған. Быйыл иһә 1 804 мең гектар ерҙә уңыш йыйыу бурысы тора, шуның 409 мең гектары — ужым культуралары.