Ҡымыҙ еҫе hеңгән яландарҙа
Ҡыңғыраулы аттар кешнәне.
Күп кәрәкме hиҫкәндерер өсөн
Ҡала шауы баҫҡан кешене.

Таңғы томан күтәрелгән саҡта
Күкшел шәлен hалды Ирәндек.
Хозур ауылдарҙа үҫhәк тә беҙ,
Күркәм ҡалаларға өйрәндек.

Өйрәндек тә, әммә hаман күңел
Көтөп йәшәй йәйҙең етеүен.
Ялдар итәм, күрһәм сабынлыҡта
Ат өйөрө сабып үтеүен.

Ошо ерҙә әллә яралғанға,
Ер булғанға hуңғы йортобоҙ,
Бары тәбиғәттә, ауылдарҙа
Ҡайтҡан төҫлө була ҡотобоҙ.