Ағымдағы йылдың 1 октябренә тиклем социаль хеҙмәтләндереүгә хоҡуғы булғандар — Бөйөк Ватан һуғышы, хәрби хәрәкәттәр ветерандары, блокадала булыусылар, инвалидтар, шул иҫәптән инвалид-балалар һ.б. — социаль хеҙмәтләндереү йыйылмаһынан йәки уның ниндәйҙер бер өлөшөнән баш тартыу тураһында ғариза яҙа ала.


Ғәмәлдәге ҡануниәткә ярашлы, ға­ри­заны урындағы Пенсия фонды ида­ра­лы­ғына тапшырыу шарт. Күп функциялы үҙәк аша ла бирергә мөм­кин. Әле айлыҡ социаль йыйылма кү­ләме 995 һум 23 тин тәшкил итә. Шуның 766 һум 55 тине – тейешле дарыуҙар менән тәьмин итеүгә, 118 һум 59 тине – шифаханала дауа­ланыуға, 110 һум 9 тине ҡала яны тимер юл транспортында, шулай уҡ ҡала-ара транспортында дауалау урынына бушлай барып-ҡайтыуға бүленә.
Башҡортостандың Пенсия фонды идаралығынан алынған мәғлүмәттәргә ҡарағанда, бөгөн республикала 338 мең кеше ташламалар менән файҙа­лана. Уларҙың 305 меңдән ашыуы социаль хеҙмәттәрҙән баш тартып, уны аҡсалата алыуға өҫтөнлөк бирә.