Башҡортостан табиптары Бөтә Рәсәй конкурсында иң яҡшылары тип танылды. Быйыл бәйге 36 номинация буйынса ойошторолдо. Рәсәйҙең 66 төбәгенән 658 докторҙың һәм алты федераль ведомствоның эштәре ҡаралды.

“Иң яҡшы психиатр” номинацияһында 1-се Республика клиник психиатрия дауаха­наһының баш табибы урынбаҫары Наталья Тулбаева беренсе урынды яуланы. Башҡорт дәүләт медицина университеты клиникаһының 2-се терапия бүлеге мөдире Виктор Лузин иһә үҙенең өлкәһендә иң яҡшыһы булды. Өфөнөң 13-сө клиник дауаханаһының 2-се кардиология бүлеге мөдире Аэлита Губаева “Иң яҡшы кардиолог” номинацияһында икенсе урынға лайыҡ булды. “Махсус номинация”ла Республика балалар клиник дауаханаһының бүлек мөдире, бит-яңаҡ хирургы Наил Дәүләт­шин да икенсе урынды яуланы. Әйткәндәй, ул балаларҙың иренендәге һәм аңҡауындағы етешһеҙлектәрҙе төҙәтеү йәһәтенән ҡатмарлы операциялар яһай, “Йылмайыу” операцияһы” хәйриә проектында ҡатнаша.
Артем Неудачин етәкселегендәге бер төркөм Башҡортостан табиптары күптән түгел генә 16-сы “Булмыш” (“Призвание”) премияһы лауреаты булды. Улар “Кеше ғүмерен ҡот­ҡарған уникаль операция өсөн” номинация­һында бүләкләнде.