Рәсәй Эске эштәр министрлығының Өфө юридик институты йыл да беренсе курс студенттары өсөн күсмә уҡыуҙар ойоштора. Уҡыу йортоноң был маҡсатта төрлө дәүләт органдары менән хеҙмәттәшлек итеүе тәү сиратта уҡыу процесына ыңғай йоғонто яһай — йәштәр тәжрибә туплай, аралаша, төрлө сараларҙа ҡатнаша.

Сираттағы уҡыуҙар яңыраҡ рес­публи­каның Дәүләт Йыйылышы — Ҡоролтай йортонда үтте. Студенттар парламен­таризмдың тарихын са­ғылдырған му­зейҙы ҡараны, депутаттар менән осрашты. Айырыуса Дәүләт Йыйылышы — Ҡоролтайҙың Секретариат етәксеһе урынбаҫары Нәүфәл Йәнбухтиндың сығышы фәһемле булды йәштәргә. Ул парламент эш­мәкәрлегенең үҙенсәлек­тәренә айырым туҡталды, закондар сығарыу процесы, ҡануни башланғыс­тарҙың республика, ил кимәлдәрендә нисегерәк өйрәнелеүе хаҡында ентекле һөйләне.
Уҡыу йылы барышында студенттар шулай уҡ республиканың Үҙәк һайлау комиссияһы эшмәкәрлеге менән таныш­ҡайны. Бынан тыш, район һәм ҡала хакимиәттәрендә лә уҡыуҙар ҡаралған.