Дәүләкән районының Алға ауылында тиҙҙән мәсет һалына башлаясаҡ. Әле тейешле биләмә бүленгән, ағас бинаның проекты эшләнгән.


Алға ауыл Советы баш­лығы Марсель Дәү­ләтбаев әйтеүенсә, иман йорто ауыл уртаһында, хакимиәт бинаһы эргә­һендә, урынлашасаҡ. Мәсет урындағы халыҡ һәм эшҡыуарҙар аҡса­һына төҙөлә. Әле 150 мең һум самаһы йыйылған.
— Ауылыбыҙҙа 320-гә яҡын кеше йәшәй. Бер ваҡытта ла мәсет булманы, — ти башлыҡ. — Уны үҙ көсөбөҙ менән һала­саҡ­быҙ. Ағас ҡырҡып, бу­ра бураусылар беҙҙә етер­лек. Үҙенсәлекле мә­ҙәни үҙәккә әүереләсәк иман йорто ауылыбыҙға, һис шикһеҙ, йәм өҫтәйәсәк.