Гәзит уҡыусыларыбыҙҙан көн дә бихисап хат алабыҙ. Улар араһында төрлөләре һәм ҡыҙыҡлылары бар. “Тәгәрмәс” махсус сығарылышын айырыуса оҡшатыуҙары тураһында яҙалар. Шул иғтибарға лайыҡ, хатта юморға ла урын бүлгәндәр.

Мәҫәлән, Көйөргәҙе районынан Ирәндек тигән ағай “тәгәрмәс” һүҙенең хәреф­тәренән таң ҡалдырғыс һөйләмдәр төҙөгән. “Тимер­лектә Әкрәмдең “ГАЗел”е Әлифәнең рөхсәте менән әрәмәлеккә сигенде” тигәне – шуға асыҡ миҫал. Ә быларына ҡарашығыҙ нисек? “Таһир әйткән Гәрәйгә, әстәғәфирулла, раббым, мине әҙерәк сы­быҡлаһағыҙсы” йәки “Ташбулат әфлисунды “ГАЗик”та – әҙерәк, редисканы мулыраҡ әпкитергә самаланы”. Ошо­ларҙан да ауыҙ иттерәйек – “Тракторсы Әсләмдең гаражын, әллә ризалатмайынса, минең әсәйгә “сумдырҙы”. Тағы ла берәү – “Тәгәрмәс әгәр гел әйләнһә, рәхмәт миңә әйт, серҙәшем”. Ул “тәгәрмәс” һүҙен киреһенсә “сәмрәгәт”кә әй­ләндергән дә шул уҡ ысул менән йәнә һөйләм төҙөгән. “Сәлимә әллә металды, рессорҙымы, әллә гирҙе әхирәтенә тейәне”.
Бына һиңә, мә!