”Красноусол” шифаханаһында ауыл хужалығы иҫәбен алыу­сылар өсөн уҡыу ойошторолдо.

Хәтерегеҙгә төшөрә­беҙ, 1 июлдән 15 июлгә тиклем Бөтә Рәсәй ауыл хужалығы иҫәбен алыу кампанияһы үтәсәк. Республикала күләмле сарала барлығы ике мең кеше эшләйәсәк. Әле улар иҫәп алыу үҙенсәлектәре, нескәлек­тәре менән таныша.
Әйткәндәй, иҫәпкә алы­на­саҡ объекттар күләме буйынса Башҡортостан өсөнсө урынды биләй. Шуға ла республикала тупланған мәғлүмәттәр тотош илдең ауыл хужалығы тармағында стратегик йүнәлеш алыуға йоғонто яһай тип күҙаллана. Иҫәп алыу һәр хужаның һүҙҙәренән яҙып алына һәм планшет-компьютерға индерелә. Мәғлүмәттәр статистика ойошмаһынан тыш башҡа берәүгә лә күрһәтелмәй. Шуға ла был кампаниянан ҡурҡыу, мал һанын йәшереү урынһыҙ, ти белгестәр.