Күптән түгел Силәбе ҡалаһында үткәрелгән хәйриә концертында йыйылған аҡса Арғаяш районының Ҡуйһары ауылында мәсет төҙөү өсөн тапшырылды.

Төйәккә иман йорто кәрәклеген шунда тыуған ир-уҙаман Нариман Шәрәфетдинов күтәреп сыҡҡан. Силәбе өлкәһе халҡы аҡһаҡалдың тәҡдимен дәррәү күтәреп алған, эштә ихлас ярҙам күрһәткән.
Мәсет бинаһы әҙер. Уға хәҙер йылылыҡ, һыу үткәрәһе, ихатаны тәртипкә килтерәһе, йыһазланды­раһы бар. Әлеге концертта йыйылған илле мең һумдан ашыу аҡса тап шул маҡсатҡа йүнәлтеләсәк.
Мәсет янында тирмә рәүешендәге ашхана, музей һәм башҡа ҡорол­малар ҙа булыр, тип ышана ауылдаштар. Аллаһ йорто райондың ғына түгел, барлыҡ Көньяҡ Уралдың йөҙөк ҡашына әйләнер, иншаллаһ!