Республика буйынса планлаштырылған майҙандың ҙур өлөшөндә урманды яһалма тулыландырыу эштәре башҡарылған.

Урман хужалығы министрлығының матбуғат хеҙмәте хәбәр итеүенсә, әле 5 260 гектар ерҙә (77%) ағас үҫентеләре ултыртылған, шуның 64 процентын урманды ҡуртымға алыусылар тәьмин иткән. Мәҫәлән, Башҡортостан урман сәнәғәте компанияһы – 177 гектарҙа, Өфө фанера-плитә комбинаты – 23, Өфө фанера комбинаты 8 гектарҙа урманды тулыландырыу сараһын күргән.