19-20 майҙа бөтә республиканан баһадирҙар өсөнсөгә үткәрелгән “Ирәндек батыры” спорт фестиваленең финалында ҡатнашыу өсөн Сибайға йыйыла.

Сараның маҡсаты – иң көслө батырҙарҙы асыҡлау, сәләмәт тормошто, милли йолаларҙы пропагандалау. Фестиваль ике йәш төркөмө буйынса уҙғарыла. Тәүгеһенә – 16-18 йәшлектәр, икенсеһенә 19 йәштәгеләр һәм унан өлкәнерәктәр инә. Ярыш программаһы милли көрәште, еңел атлетика кросын һәм пневматик мылтыҡтан атыуҙы үҙ эсенә ала. Һәр йәш төркө­мөндә тәүге өс урынды алғандар ойоштороу комитеты тарафынан дипломдар һәм ҡиммәтле приздар менән бүләкләнә. Ярышты Башҡорт­остандың Йәштәр сәйәсәте һәм спорт министрлығы, Сибай ҡалаһы хакимиәте ойоштора.