Эш өҫтәлендә иҫке ҡағыҙҙар ятыуы, сәйҙән, ҡәһүәнән бысранған сынаяҡтар, кәрәкмәгән нәмәләр ҡалдырыу, аяҡ аҫтының ҡыйлы булыуы кешенең иғтибар туплау мөмкинлеген, мәғлүмәт эшкәртеү һәләтен сикләй, тип иҫбатлаған Принстон университеты белгестәре.

– Хеҙмәт көнө аҙағында эш урынығыҙҙа тулы тәртип булдырмайынса китергә ашыҡмағыҙ. Һәр нәмәне тәғәйен урынына ҡуйығыҙ, өҫтәлгә өйөүҙән бигерәк, тумбочкаға рәтләп һалыу яҡшыраҡ, – тип кәңәш итә тикшеренеүселәр.
Эш урынығыҙҙа йыйыштырыусы юҡ икән, дежурлыҡ графигы төҙөп ҡуйыу зарур. Сүп-сарҙан арыныу хеҙмәт етештереүсәнлеген күпкә арттыра.